O Grupo Dizmar intensifica a súa produción con importantes proxectos de obras nacionais e internacionais en Estados Unidos, Ghana, Uruguay, Canadá e Madrid
Xullo 10, 2020
A empresa Paniagua culmina a renovación da súa planta do carballiño, onde elabora medio cento de bebidas cunha produción anual de máis de dous millóns de litros
Xullo 10, 2020
O concello programa un campamento de verán gratuito para nenos e nenas de 4 a 12 anos coas plazas limitadas, que se desenvolverá en dúas quendas en xullo e agosto
A Concellería de Benestar Social, Igualdade, Sanidade, Educación e Normalización Lingüistica do concello do Carballiño, que dirixe a concelleira Guadalupe Sobrado, finanza un campamento de verán para un total de 80 participantes, impartido pola empresa Mais Escola XXI.
É un servizo de balde, dirixido a nenos/as empadronados no Concello de entre 4 a 12 anos no que se ofertan diferentes actividades que permitan aproveitar o tempo de lecer dunha forma educativa, divertida e saudable, respetando as actuais normativas de prevención necesarias fronte ao Covid-19, sendo obrigatorio o uso de mascarilla de todos/as as participantes.
Habilitaranse dúas quendas; a primeira, dende o 20 de xullo ao 7 de agosto e unha segunda dende o 10 de agosto ata o 28 de agosto.
Os interesados/as deberán recoller a folla de inscrición nos Servizos Sociais e presentala no Rexistro Municipal ou na sede electrónica do Concello a partir do martes, 14 de xullo e con data límite do xoves, 16 de xullo.
A asignación de plazas será por rigorosa orde de entrada en dito Rexistro.
Para máis información, pódese chamar ao teléfono 988 531 076.
